बेथशालोम भैंसेपाटीलाई फुटसल प्रतियोगिताको उपाधी

१८ जनवरी २०२०, बेथशालोम चर्च, काठमाडौ । जवानहहरुको बिचमा आपसी मेलमिलाप र एकता कायमको लक्ष्य राखी बेथशालोम चर्च अन्तरगत रहेको बेथसालोम स्पोर्ट्स समिति द्धारा गत बर्ष जस्तै यस बर्ष सन् २०२० मा पनि दोस्रो अन्तर बेथशालोम चर्च स्तरिय फुटसल प्रतियोगिता आयोजना गरिएको थियो ।

लिग र नकआउट गरी दुई चरणमा विभाजित खेलहरु रहेको उक्त प्रतियोगितामा बेथसालोमका ५ चर्चहरु क्रमशः पुतलीसडक, महाराजगंन्ज , मनोहरा , भैसेपाटी, सिफाडोलको सक्रिय सहभागिता रहेको थियो । ११ जनवरीमा लिग चरणका खेलहरु भएका थिए भने १८ जनवरीमा सेमीफाईनल तथा फाइनल खेलहरु भएका थिए । प्रतियोगितामा पहिलो उपाधि, बेथ्शालोम भैसेपाटी चर्चले हासिल गर्न सफल भएको थियो भने दास्रो स्थानको उपाधि बेथसालोम मनोहरा चर्चले हात पारेको थियो । यसैगरी उत्कृष्ट खेलाडीको उपाधि खेलाडी श्री सरोज मगरले पाउनु भएको थियो भने अधिक्तम गोलको उपाधि खेलाडी श्री दिपेश राईले हात पार्न सफल हुनुभएको थियो । बिजयी तथा सहभागि खेलाडीहरुलाई ट्रफि, मेडल र प्रमाण पत्र साथै नगद पुरस्कारहरु वितरण समापन समारोहका प्रमुख अतिथि नेपाल ख्रिष्टियन स्पोर्ट्स फेलोसिपको अध्यक्ष पा. पृथ बहादुर राई साथै बेथशालोम चर्चका बरिष्ट पाष्टर देवकुमार क्षेत्रीले गनुभएको थियो । उक्त समापन खेलहरुमा बेथशालोमका नेतृत्वहरुको साथै सहभागि मण्डलीहरुको जवानहरुको उल्लेखनिय सहभागिता रहेको थियो ।