सफल जीवन जिउन गर्नु पर्ने काम

१ राजा १५:१-२४ यस खण्डमा केहि राजाहरुको बारेमा घटनाहरु देख्न पाईन्छ। त्यस्तै राजमाताहरुको पनि। अबिया जसले ३ बर्षात्र राज्य गरे। तिनकी आमा माका थिईन। यी दाउद राजाको पलाति थिए उनले दाउदको चालमा चलेनन् र जीवन असफल जिए। तर राजा दाउदका खलानी अबियाका छोरा आसा भने आफ्ना पिताको चालमा नचलेर जिजु बुवा राजा दाउदको चालमा चले जसको कारण उनले ४१ बर्षराज्य गरे। तरै पनि उनको जीवन पूरै सफल भएन।

कसरी उनले सफल जीवन जिए त – पहिलो कुरा बाधा पार्ने चिजहरु हटाउन सहास गरेर हजुर आमा माकालाई राजमाताको पदबाट हटाए निश्चय यो काम सजिलो पक्कै थिएन। एउटा कर्मचारी हटाउँदा त कस्तो भाँडभैलो हुन्छ भने राजमाता जस्तो पदच्युत गर्नु कति गाह्रो भयो होला, तरै पनि उनले राजमातालाई बाधाको कारण देखेको कारण नै हटाएका हुन्। साथै उनले पुज्ने गरेको (परमेश्वरको दृष्टिमा) अशेरा देवीको घिनलाग्दो मुर्ति र डाँडा डाँडाका पुजा गर्ने थानहरु हटाए तापनि आसाको हृदय आफ्नो सारा जीवनभरि नै परमप्रभुमा सम्पुर्ण रुपले सुम्पेका थिए।

हाम्रा जीवनमा पनि यस्तै माकाहरु छन् भने यसलाई नहर्टाई सफल जीवन जिउन सकिन्न यस्ता माकाहरुलाई हटाउने राजा आसाले झैं हामीले पनि गर्नु पर्छ। हाम्रा जीवनका माका भनेको जीवनका खराब लत बानीहरु, खराब संगत साथीहर्रुर् इत्यादी …। सृष्टिकर्ता परमेश्वरलाई मन नपर्ने जीवन जिएर हाम्रो जीवन कहिलै पनि सफल हुन सक्दैन। के म सफल जीवन जिएरहको छु – के मेरो कार्यहरु परमेश्वरको दृष्टिमा ठिक छन् – जाँच गरौं  हामी आफैले।
जब राजा आसाको आफ्नो जीवनकालमा धेरै राम्रा काम गरे पनि केहि काम ठिक गरेनन्। उनले परमेश्वरको मन्दिरका सुन र चाँदी घुसको र उपहारको रुपमा अरामका राजालाई दिए यहाँ राजा आसाले आफुलाई परमेश्वरमा सम्पे पनि आफ्नो बुद्धिको पनि प्रयोग गरे जुन कुरा परमेश्वरको दृष्टिमा ठिक थिएन। हामी सफल जीवन जिउनु नै हो भने आफैलाई सम्पुर्ण रुपले परमेश्वरमा सुम्पनु पर्दछ सजिलो अवस्थामा मात्र होईन। जस्तो कि हबकूकले भने झैं “चाहे अञ्जीरका रुखमा मुना नलागोस्, र दाखका बोटमा फल नलागोस्, चाहे जैतून रुखमा फल नलागोस्, र खेतले अन्न नउब्जाओस्, खोरमा भेडाबाख्रा नभए पनि र गोठमा गाईबस्तुहरु रहेनन् भने पनि, म परमप्रभुमा रमाहट गर्नेछु, म मेरो उद्धार गर्नुहुने परमेश्वरमा रमाउनेछु ।” हामी परमेश्वरमा सधैं रमाउँ र खुशि होऔं।
धन्यवाद।।

Republished in new layout 5/31/2013