के ख्रीष्ट बाँडिनुभएको छ र ?

१ कोरिन्थी १:१२

यो खण्डमा पावलले कोरिन्थीहरुको मण्डलीलाई लेखेको पत्रमा आफ्ना बेदना र आक्रोस पोखेका छन्। यो आजको नेपालको राजनैतिक र मण्डलीलाई पनि त्यत्तिकै आवश्यक भएको देखिन्छ सुनिन्छ। हाल सालै कान्तिपुर टिभीको फायर साइड प्रोग्राममा भुषण दाहालसँगको अन्तरवार्तामा नेपाली काँग्रेसका युवा नेता (प्राय युवाहरुले मन पराइएका नेता) नै हुन्। उहाँले नढाँटी भन्नु भएको थियो।

मेरा सभापतिसँग चुनाव पछि एकपल्टमा ५ मिनेटसँगै कुराकानी भएको होला कारण कुरै मिल्दैन। आज नेपालका राजनैतिक दलहरु दल नभएर गुठ भएका छन् हरेक पार्टी। एउटा दलमा तीन चार गुठमा बिभक्त भएका छन् यो विल्कुलै तितो यथार्त हो। बाइबलीय भाषामा यो सँसारिक कुरा हुन तर आज नेपालका चर्चहरुमा पनि यसरी नै विकृति प्रबेश हुँदैछ, जसले गर्दा मनमा सारै नराम्रो लाग्छ। बिभिन्न सिद्धान्तहरु पसे जसले गर्दा इसाई एकता कुरा र प्रचारमा मात्र सिमित भएको छ। एक मण्डलीले अर्कोलाई नगन्ने सबै आ आफ्नै डम्फु बजाउने भएका छन्। तर आज भोली त एउटै मण्डली भित्र पनि यो रोगले प्रबेस पाएको छ। स्तर छुट्याउने, पाष्टर पाष्टर, अगुवा अगुवा, धनी धनी, शिक्षित शिक्षित, सँस्थाहरुमा पनि भौतिक फायदाको लागि मिलिजुली काम कारवाही गर्दा सजिलो वातावरण हुन्छ भनी यस्तै कुरा हुनसक्छ जुन कुरा बाइबल अनुसार गलत छ। साधारण सदश्यसँग कुराकानी गर्न मण्डलीका पाष्टर अगुवालाई फुर्सद छैन। आफ्नै तहका व्यक्तिहरुसँग गफिन जति पनि समय निकाल्न सकिन्छ। यो रोग त आजको होइन रहेछ, कोरिन्थीहरुको मण्डलीमा पहिलो सताब्दीमा नै शुरु भएको कुरा १२ पदले स्पष्ट गरेको छ। पावल लेख्छन्, तिमीहरु कसैले, “म पावलको”, कसैले “म अपोल्लसको”, कसैले “म केफासको”, र  कसैले “म ख्रीष्टको” भन्छौं अरे। के ख्रीष्ट बाँडिनुभएको छ र? के तिमीहरुले विश्वास गरेको पावल, अपोल्लस, केफास माथि हो र? मेरो पाष्टर ठूलो, धेरै पढेको, प्रचार गर्न सिपालु, भनी मानिसमाथि विस्वास र भरोसा गर्नेलाई, धिक्कार त्यस मानिसलाई जसको भरोसा मानिसमाथि छ। “म तिमीहरुलाई भन्दछु,, यी सबैभन्दा सानाहरुमध्ये एक जनालाई जे जति गरेनौ, त्यो तिमीहरुले मेरो निम्ति गरेनौ”, मत्ती २५:४५। यहुदीहरु धर्म गुरुहरु चलन थियो अन्य जातिहरुसँग नबोल्ने। तर आज हाम्रो समाजमा पनि आफ्नै स्तरको व्यक्तिसँग मात्र बोल्ने चलन बढेको छ। जुन सुकै क्षेत्रमा पनि, धार्मिक, सँस्थागत, राजनैतिक, शैक्षिक, भौतिक आदिर् इत्यादी……। यसमा पनि धार्मिक क्षेत्रमा यस्तो हुनु दुःखको कुरा हो, के हामीले पनि यस्तै गर्दै छौं कि ?

टेक भण्डारी

ललितपुर

// <![CDATA[
var prefix = ‘ma’ + ‘il’ + ‘to’;
var path = ‘hr’ + ‘ef’ + ‘=’;
var addy85486 = ‘teknepal’ + ‘@’;
addy85486 = addy85486 + ‘hotmail’ + ‘.’ + ‘com’;
document.write( ‘‘ );
document.write( addy85486 );
document.write( ” );
//–>\n
// ]]>teknepal@hotmail.com

Republished in new layout 5/29/2013

//