परमेश्वर जन कस्तो हुनुपर्छ?

“तर तिमीहरु त चुनिएका बंश, राजकीय पूजाहारीगिरी, पवित्र जाति, परमेश्वरका निजी प्रजा हौ । उहाँले तिमीहरुलाई अन्धकारदेखि उहाँका उदेकको ज्यातिमा ल्याउनुभयो, ताकि तिमीहरु उहाँका आर्श्चर्यपूर्ण कार्यहरुको घोषणा गर्न सक” (१ पत्रुस २:९)।

पूरानो करारमा परमेश्वरले एक कुललाई पूजाहारीगिरीको लागि चुन्नु भएको थियो र उनीहरुको कस्तो रहन सहन हुनुपर्छ बताउनु भएको थियो।“पूजाहारीहरुले शोकमा आफ्नो कपाल नखौरुन्, दाह्रीका कुनाहरु नछाटून् र आफ्नो शरीरमा कुनै चोछ चपारुन् (लेवी २१: ५) साथै “तिनीहरुले आफ्ना केश मुडाउनुहुँदैन अथवा ती लामा बढ्न पनि दिनुहुँदैन, तर तिनीहरुले आफ्ना केश छोटो गरी काट्नुपर्छ, इजकिएल ४४:२०)।” तर नयाँ करारमा येशू ख्रीष्टको क्रूसको मृत्यू पछि उहाँले हरेक जन जो उहाँमाथि विस्वास गर्दछन् तिनीहरु सबैलाई पूजाहारीहरु बनाउनु भएका छन्। यसकारण सबै परमेश्वरका जनले उहाँलाई ग्रहण योग्य भेटी चढाउँने उदाहणीय हुनु आवश्यक छ, अब हारुनको बंश हुनुपर्दैन पूजाहारी हुनुको लागि । “पुरुषले लामो केश पाल्यो भने त्यो त्यसको निम्ति शर्मको कुरो हो भनी के प्रकृतिले पनि तिमीहरुलाई सिकाउँदैन र (१ कोरिन्थी ११:१४)”

प्रेरित पावलले पनि कोरिन्थीको चर्चलाई यही कुराको जानकारी गराएको हामी देख्छौं। स्त्रीहरु पनि यही माफिकको हुनु आवश्यक छ। सरल हुनु आवश्यक छ। आजको चर्च सँगति हो कि अङ्ग प्रदर्शन हो फेशन सो हो छुट्याउन गाह्रो पर्ने अवस्था हुन्छ। केटाहरु पनि उहि माफिकको केशको प्रदर्शन देखिन्छ। जब इस्रायलीहरुले परमप्रभुको विरुद्धमा पाप गरे र उहाँ व्यबस्थाबाट तर्किएर अन्य देवताको पछि लागेको कारण तिनीहरुमाथी दण्डको घोषणा अगमबक्ताबाट पाएर तिनीहरु रुवाइ र विलाप गर्दै गर्दा “आफ्ना प्यारा बालकहरुका निम्ति तिमीहरुका केश शोकमा मुण्डन गर। सबै कपाल मुडाएर गिद्धको झैं बनाओ, किनकि तिमीहरुका बालकहरु तिमीहरुबाट निर्वासनमा लगिनछन्, मीका १:१६”। यसकारण केश मुण्डन गर्नु शर्मको कुरा हो भन्ने बुझिन्छ। यसैगरी बोलीचालिमा पनि उत्तिकै सजन रहनु हरेक इसाईको कर्तव्य हो। हामी बाहिर बोलि चालीका भाषा कति ठाउँमा अस्लील सुन्नु पर्छ। हामी प्रभुका जनले होरियारीसाथ बोल्नु पर्छ।

पहिरन पनि सुहाँदो हुनु अति आवश्यक छ। चर्चको सँगतिमा बस्दा लगाइएका कपडाको बिषयमा कसरी बर्णन गर्ने, तपाईहरुले राम्रोसँग याद गर्नु नै भएको छ। हामी परमेश्वरको आराधना गर्न आएका हौं कि कुनै फेशन शो हेर्न आएका हौं छुट्टयाउन गाह्रो हुन्छ। बाइबलले के भन्छ यस बारे। “विदेशी लुगा लाउनेहरु जत्ति सबैलाई सजाय दिनेछु, सपन्याह १:८ख”। यसको मतलभ विदेशमा बनेका लुगा लगाउनै हुँदैन भनेको होइन, तर अङ्ग प्रदर्शन गर्ने किसिमका लुगा नलगाउनु, तर सादारण किसिमको कपडा लगाउन, केटा केटी सबैले छोटा र कस्सिएका कपडा नलगाए कति सुन्दर हुने थियो। हामीले सोच्नु पर्छ कुन समयमा कस्ता किसिमका लुगा लगाउनु पर्छ। कुनै रमाईलो भोज भत्यारमा लगाउने कपडा एक किसिमका, विवाहको समय एक किसिमका, सोकको समयमा लगाउने कपडा अर्कै किसिमको हुनु पर्छ। अरु समयमा लगाउने कपडा एक किसिमका, राती सुत्दा लगाउने कपडा अर्कै किसिमका हुन्छन्। यसै किसिमका कपडाहरु लगाउनु हाम्रो कर्तब्य हो । “जब राजाले विवाहको पोशाक नलगाएको एउटा मानिसलाई देखे, मत्ती २२:११-१३।” सबैलाई निम्त्याइएको छ तर जब त्यहाँ जानेहरुले आफुलाई आफैलाई तयार गर्नु पर्ने कुरा हामी भेट्छौं। नत्र भने भोजमा बस्न पाईनेछैन र बाहिर फालिने छौं।  यो धेरै डरलाग्दो कुरा हो। धन्यवाद ।।

टेक भण्डारी

गोरखा हाल ललितपुर

// <![CDATA[
var prefix = 'ma' + 'il' + 'to';
var path = 'hr' + 'ef' + '=';
var addy37820 = 'teknepal' + '@';
addy37820 = addy37820 + 'hotmail' + '.' + 'com';
document.write( '‘ );
document.write( addy37820 );
document.write( ” );
//–>\n
// ]]>// // <![CDATA[
document.write( '’ );
// ]]>Republished in new layout 5/29/2013