के क्षमा बिना हामीलाई शान्ति मिल्छ ?

अब यसलाई विर्सनु पर्छ र क्षमा लिने दिने गर्नुपर्छ नत्र यो देशमा शान्ति आउनेछैन। हामी तर्फात्र होइन, माओबादीहरुमा पनि धेरै जना मारिनु भयो, कति अझै घाइते अवस्थामा नै हुनुहुन्छ। हाम्रो भन्दा उहाँहरुको अवस्था दयनिय छ। किनकी मेरो त पेन्सन छ, छोरा छोरी पढाउन सरकारले बन्दोवस्त मिलाई दिएको छ। तर उहाँ माओबादीहरुको त त्यो सुविधा पनि छैन। हामीलाई त बिचरा भन्छन् तर उहाँहरुलाई बिचरा भन्ने व्यक्ति नगण्य छन्। यसकारण हामीले एकले अर्कोलाई शत्रुको दृष्टिमा नै हेने हो भने यो देशमा कहिले शान्ति आउने ? उता कम्जोर हुँदा बद्ला लिन फेरि यता पनि त कम्जोर हुँदा फेरि उनीहरुले दावा धरेर बसेका छन् कुनै समय उनीहरुले आक्रमण गर्ने छन्। यसकारण हिजो जे भयो त्यो परिस्थिति जण्या अबस्थाले उब्जाएको घटना थियो। अव यसलाई बिर्सेर क्षमा लिनेदिने गरे मित्रताको हात बढाएर यो देश र आफ्नो निर्माण गर्नु पर्छ नत्र हामी सँधै अशान्ति र बद्ला मिले पक्षमा नै हुँनेछौं। येशुले भन्नुभयोः “तिमीहरुले सुनेका छौ, यसो भनिएको थियो, आँखाको बदला आँखा, र दाँतको बदला दाँत। तर म तिमीहरुलाई भन्दछु, दुष्टको मुकाबिला नगर। जसले तिम्रो दाहिने गाला चड्काउला, त्यसलाई अर्को गाला पनि थापिदेऊ। यदि कोही मानिसले मुद्दा चलाएर तिम्रो दौरा लने दाबी गर्छ भने, त्यसलाई तिम्रो खाष्टो पनि दिइहाल। मत्ती ५:३८-४०।”  यदि आज हामी इसाई ख्रीष्ट येशुको क्षमाको अनुभव गरेका ब्यक्तिहरुले यो एकल महिलाले भने जस्तो गरेका छौं  र हामीले आफ्नो भाइ बहिनीलाई हृदयदेखि क्षमा गर्न सकेका छौ। यदि आजसम्म सकेका छैनौ भने हाम्रो पाप हुँदैन। “हाम्रा अपराध क्षमा गर्नुहोस्, जसरी हामीले आफ्ना अपराधीहरुलाई क्षमा गरेका छौं। मत्ती ६:१२।” हामीले अरुलाई क्षमा गर्न सकेका छैनौ भने येशु ख्रीष्ट पनि हामीलाई क्षमा गर्नुभएको छैन। एकले अर्कोलाई क्षमा गर र आफ्नो पापबाट  मुक्त होऔं। यदि हामीले एकले अर्कोलाई क्षमा गर्न सकेको भए मण्डलीमा कति शान्ति हुँदो हो। र फुट, बेमेल, झगडा हुन्थ्यो र हामीले आफ्नो पाप स्विकार गरेनौ भने हाम्रा प्रार्थना र अन्तर बिन्तिहरुको सुनुवाई हुँदैन, बाइबल परमेश्वरको वचनमा प्रष्ट लेखिएको छ। “यदि मेरो आफ्नै नाउँ दिइएको मेरो प्रजाले आफैलाई नम्र पारेर प्रार्थना गर्छ, र मलाई खोजेर आफ्ना दुष्ट चालहरुबाट र्फकन्छ, तब म स्वर्गबाट तिनीहरुको प्रार्थना सुन्नेछु, र तिनीहरुको पाप क्षमा गर्नेछु, र तिनीहरुको देशलाई म स्वस्थ्य पार्नेछु। २ इतिहास ७:१४ ।” हामीले क्षमा गरौं र क्षमा मागौं र एक अर्कोमा मेल मिलाप गरौं। जसमा परमेश्वर प्रशन्न हुनुहुन्छ र हाम्रो जीवनमा आशिष दिनु हुनेछ। हाम्रो व्यक्तिगत जिबनमा शान्ति र आनन्द हुनेछ, परिवारमा आशिष आउने छ, मण्डली, अफिसमा आशिष हुनेछ र देशमा शान्ति सुरक्षा र देश स्वस्थ्य हुनेछ। त्यसको शुरुवात मबाट शुरु हुनुपर्छ। आज नेपाल देशको अवस्था यस्ता हुनुमा पनि क्षमा दिने लिने काम नभएर, एकले अर्को माथिको अविस्वास, शंका र बदला लिने मन नै हो। क्षमा लिने दिने गरेमा प्रेम आउँछ र प्रेममा शंका हुँदैन विस्वास हुन्छ र मेलमिलाप हुन्छ। आउनोस् हामी लगातार प्रार्थना गरौ हाम्रा देशका नेताहरुलाई र एक दोस्रा प्रति शत्रुता भएकाहरुकालागि। आफ्नो अविभावक बाबु गुमाएकाहरुलाई र बुढेस्को सहारा छोरा गुमाउनेहरुलाई सजिलै क्षमा दिन मुस्किल हुन्छ तर के बदलाको भावनाले केहि हुन्छ। परमेश्वरले दिनु भयो र उहाँले नै लाग्नु भयो। हामीसँग बस्नु क्षणिक रहेछ भनी सम्झौं जस्तो अनिता भण्डारीले सोच्न भएको छ। उहाँमा पनि पिडा नभएर त होइन तर अब पिडा लिएर के फिर्ता पाउन सकिन्छ र? नसकिने कुराको लागि चिन्ता फिक्रीले कुनै फायदा हुँदैन। सबै पिडित भएका बुवा आमा, दाजु भाइ, दिदी बहिनी, साथी सँगी, छोरा छोरीहरुमा हाम्रो हार्दिक समावेदना छ। परमेश्वरले हजुरहरु सबैको कल्याण गरुन्। धन्यवाद ।।

टेक भण्डारी

गोरखा हाल ललितपुर कुपण्डोल

पो बा नं ३१५५ काठमाडौ

Republished in new layout 5/28/2013

Previous Comments

written by suren , July 29, 2012

Its a nice article. I do agree that Forgiveness
brings Healing too.