जवान अगुवाहरुको फोरम सम्पन्न

माघ २०, पोखरा
डेभलपमेन्ट एसोसिएट्स इन्टरनेसनल (DAI Nepal) को आयोजनामा पोखराको लेकसाइडस्थित होटेल सेराफिकमा हालै एक फोरम सम्पन्न भएको छ । Issachar Initiative Forum नाम दिइएको उक्त फोरममा काठमाडौं ,चितवन र पोखराका बिभिन्न चर्चका गरि जम्मा ४३ जना जवान अगुवाहरुको सहभागिता रहेको थियो ।

फेब्रुअरी १-३ मा सम्पन्न भएको उक्त कार्यक्रममा प्रमुख सहजकर्ताको रुपमा Issachar Initiative का संयोजक जोनाथन अब्राहम हुनुहुन्थ्यो भने बाँकी सेसनहरु Development Associates International का नेपाल प्रमुख नारायण खड्का र रामघाट चर्च पोखराका जवान अगुवा पुष्पराज गिरीले लिनुभएको थियो । मुख्य रुपमा यस फोरममा सेवामुखी नेतृत्व (Servant Leadership), एकान्तता र मौनता तथा प्रभावकारी सेवा सम्बन्धमा छलफल गरिएको थियो ।
आयोजकका अनुसार अब यस्तै अर्को फोरम आउदो जुलाई महिनामा काठमाडौंमा आयोजना गरिने छ ।

Source: www.khabardainik.com