व्यर्थको तामझाम

तिमीहरू आफ्ना परम्परा मान्नलाई कति धुर्ततास“ग परमेश्वरको आज्ञालाई टारिदिन्छौ” (मर्कूस ७:९)।

मानिसहरूले परमेश्वरको वचनभन्दा पनि परम्परालाई ठूलो मानेको कारणले येशूले यसरी हप्काउनुभएको थियो। आफ्नो फाइदा र सजिलोको लागि मानिसहरूले परमेश्वरको वचनलाई बङ्ग्याउने चलन पहिले थियो र अहिले पनि निरन्तर छ। ओठले मात्र परमेश्वरको भक्ति गर्ने त्यस बेलाका मानिसहरूलाई येशूले गर्नुभएको हप्काइ अहिले पनि त्यतिकै सान्दर्भिक छ।

यस वर्ष पनि बडादिन वा ख्रीष्टमसको लागि विभिन्न मण्डली र समूहहरूको तामझाम निकै मज्जाको देखिन्छ। मानिसहरू कार्यव्रmम बनाउन र त्यसलाई सम्पन्न गर्न अति नै आतुर व्यस्त देखिन्छन्। बजेटका विभिन्न शीर्षकहरू बनाएर खर्च गर्ने अनि घर र मण्डली भवनका भित्ता र भूइ“मा नया“ सजावट आउनेव्रmम निरन्तर भइरहेका होलान्। विभिन्न सपिङ मल, होटल र रेस्टुरेन्टहरूले यही अवसरलाई पश्चिमी संस्कृतिको अनुकरण गर्ने नाममा आफ्नो व्यवसायलाई बढाउन विभिन्न कार्यव्रmमहरू अघि सारेका छन्।

तर यो उत्सव त सर्वशक्तिमान् परमेश्वरको पृथ्वीमा देहधारणको चर्चा गर्ने अवसर हो। सारा वैभव र स्वर्गीय महिमालाई त्यागेर परमेश्वरका पुत्रले आफूलाई मानव रूप धारण गर्न दिनुभएको विशेष अवसर यो हो, कसैले मोज गर्ने वा व्यापार बढाउने दिन होइन। मण्डली र विश्वासीहरूले गम्भीर भएर जान्नुपर्छ कि येशूलाई महिमा नदिईकन वा येशूको अधीनता स्वीकार नगरी गरिएका यी अनेकौं तामझामले हामीलाई केही फाइदा गर्दैन न त अरू मानिसहरूले बाइबलको येशूलाई सुन्न, देख्न वा चिन्न नै सक्छन्। त्यसकारण मण्डलीले बाइबलकै येशूलाई महिमा देओस् र उहा“कै आगमनलाई भव्य मनाओस्, न कि व्यर्थको तामझाममा अल्मलिओस्।

Republished in new layout 6/14/2013

Previous Comment