बेथेल बचत तथा ऋण सहकारीको ९औं वार्षिक साधारण सभा सम्पन्न

बेथेल बचत तथा ऋण सहकारीको ९औं वार्षिक साधारण सभा सम्पन्न

बेथेल बचत तथा ऋण सहकारी संस्था लिमिटेडको ९औं वार्षिक साधारण सभा एक समारोह बीच सम्पन्न भएको छ ।

बेथेल बचत तथा ऋण सहकारी संस्था लिमिटेडका अध्यक्ष विएन पंडितको अध्यक्षतामा सम्पन्न साधारण सभाले आ.व.०७६/०७७ को वार्षिक प्रतिवेदन र प्रगति तथा उपलब्धीहरु त्यसैगरि आ.व.०७६/०७७ को वार्षिक योजनाहरु पारित गरेको छ ।

साधारण सभामा बेथेल बचत तथा ऋण सहकारी संस्था लिमिटेड संचालक समितिका अध्यक्ष विएन पंडितले साधारण सभामा प्रस्तुत गर्नु भएको वार्षिक प्रतिवेदनलाई साधारण सभाले सर्वसम्मतले पारित गरेको हो ।

संस्थाकी कोषाध्यक्ष सुश्री बिन्दी रजकले आ.व. २०७६/७७ को आर्थिक प्रतिवेदन प्रस्तुत गर्नु भयो भने लेखा समितिका संयोजक सन्तोष थापाले लेखा समितिको संक्षिप्त प्रतिवेदन प्रस्तुत गर्नु भयो ।

सहकारी संस्था लिमटेडका सचिव सुरेन्द्र श्रेष्ठद्धारा संचालित साधारण सभामा पास्टर बिरबहादुर खवासले शुरुको प्रार्थना गर्नु भए पछि साधारण सभा संचालन भएको थियो । संचालक समितिकी उपाध्यक्ष विद्यालक्ष्मी मालाकार घलेले आमन्त्रित पाहुनाहरुलाई स्वागत गर्नु भयो भने पास्टर वर्णवास श्रेष्ठले वचनबाट उत्साहा दिदैं वचत गर्ने कुरामा जोड दिनु भयो ।

‘एकका लागि सबै सबैका लागि एक मूल नाराका साथ स्थापित सहकारी संस्था लिमिटेडका आगामी योजनाहरुमा शेयर सदस्य र पुाजीमा बृद्धि, घरदैलो सेवा,सूचना तथा प्रविधियुक्त सेवा, संरक्षित पुाजी फिर्ता, कर्मचारी पुरस्कार तथा सम्मान, बचतकर्ता तथा असल ऋणी सम्मान, बजार प्रतिस्पर्धी लाभांश, ब्याजदर र विशेष कर्जाको व्यवस्था रहने कुरा अध्यक्ष पंडितले बताउनु भयो ।

कार्यक्रममा नेपाल ख्रीष्टिय समाजका सचिव रेभरेण्ड मुकुन्द शर्माले बेथेल सहकारीको उत्तरोत्तर प्रगतिको कामना गर्दै शुभकामना मन्तब्य व्यक्त गर्नु भयो ।

कोभिढ १९ को महामारीको संक्रमणलाई मध्यनजर गर्दै उक्त साधारण सभामा संचालक समितिका पदाधीकारहीहरु, लेखा सुपरिवेक्षण समितिका पदाधिकारीहरु, कर्मचारीहरु, सेयर सदस्यहरु र साधारण वचतकर्ताहरुको सीमित व्यक्तिहरुको उपस्थितिमा यही पुस २६ गते सम्पन्न भएको हो ।

तस्बिर: इसाक जबेगु ।

तुरही न्यूज :पुस ०७७, ललितपुर ।

Kumar Singh Bist

Media Evangelist

Cell: +9779851102907

WhatsApp/Viber: +9779851102907

Kathmandu, Nepal