विलाप
Khupen Sunuwar
एउटा फुल
बतासले नछुई भुईमा खसेछ
एउटा जुन
बादललाई नसोधी नदिमा बगेछ
एउटा धुन
हावासँगै आकाशमा हराएछ
एउटा गित
सुर्यसँगै डाँडापारी अस्ताएछ
आँसुको दहमा
डुवे होला कँयौ सपनाका गितहरू
ह्रदयको गहमा
भिजे होला कँयौ विहानका शितहरू
पिपलको
पहेलो पातझैँ
सुकिजाने जोवनको के कुरा ?
मैदानको
लिली फुलझैँ
झरिजाने यौवनको झन के कुरा ?
एक थुप्रो माटो
खरानी झैँ माटैमा
मिलीजाने जिवनको के भरोसा?
एउटा बाटो
कसैलाई नसोधी हिडेछ
एउटा पाईला
दोबाटोमै चुपचाप छुटेछ
(अनिस्चित अनि अप्रत्यासित अवश्यंभावी मृत्युको
अन्तिम समय कर्ता बाहेक सृष्टिकर्तालाई मात्र थाहा छ)
खुपेन वेलायतबाट
Facebook Comments
