अाशिया बिबी अझै पाकिस्तानी जेलमैः सुरक्षा खतरा अति उच्च

[ 0 ] November 8, 2018 |

गत हप्ता मात्रै करिब दशक लामो कैद काटेर र मृत्यु दण्डको सजाय पाएकोमा सर्वोच्च अदालतबाट निर्दोष ठहर भइ सजाय माफी पाएकी अाशिया बिबी अझै जेलमै छिन् । कारण हो त्यहाँका मुश्लिम अतिवादीहरूको चाैतर्फी दबाव र सरकारको चर्को अालोचना अनि बिबीको परिवार र उनलाइ निर्दोष फैसला दिने न्यायाधीशमाथि समेत जानलेवा अाक्रमणको धम्की ।

यस्तो सुरक्षा खतराका बिच, बिबीको पक्षबाट मुद्दा लड्दै अाएका वकिल शैफ अल मुलकले गत हप्ता नै  पाकिस्तान छोडेका छन् ।  कारण, उनले बताएका छन्ः बिबीलाइ अझै  सुरक्षित शरणस्थानसम्म नपुर्याएसम्म म बाँचिरहनु अावश्यक छ ।
 अतिवादीहरूको चैतर्फी दबावपछि, इमरान खान नेतृत्वको पाकिस्तानी सरकारले  तेरिक ए लाबिक पार्टीसँग केही सम्झाैता गरेको छ । यो सम्झाैतापछि उक्त दलले अाफ्ना कार्यकर्ता तथा प्रदर्शनकारीहरूलाइ तोडफोड तथा प्रदर्शन अन्त्य गर्न अाह्वान गरेलगत्तै त्यस्ता गतिविधि तत धेरै हदसम्म रोकिएका छन् । तर यसले अाशिया बिबीबारको फैसलामा कुनै असर पुग्ने हो, वा उनको जिउ जीवनमाथि कुनै न कुनै रूपमा फेरि खतरा उत्पन्न हुने हो कि भन्ने अाशंक उब्जेको छ ।  तर  यसको अर्थ सरकारले उनीहरूको माग बमोजिम बिबीबारेको फैसला उल्टाउने वा बदर गर्ने होइन, तर गत हप्ता तोडफोड र सारकार विरोधी गितविधिमा संलग्न कार्यकर्ताहरूलाइ रिहाइ गर्नेसम्मको सम्झाैता हो । साथै, पाकिस्तानी कानुनमा त्यस्तो व्यवस्था नभए तापनि,  सर्वोच्च अदालतको अगिल्लो हप्ताको फैसलामाथि रिट निवेदन हाल्न पाउने अधिकार वा सुविधा पाउनुपर्ने मागप्रति सरकारले समर्थन जनाएको अवस्था छ ।

करिब नाै वर्ष अगिको अाशिया बिबीको अाफ्ना छोरीहरूसँगको तसविर

सर्वोच्च अदालतबाट रिहाइको फैसलापछि समेत अाशिया बिबी जेलबाट बाहिर निस्कन पाएकी छैनन् ।

सरकार र प्रतिपक्षी प्रदर्शनकारी दलबिचको यस्तो सम्झाैताले अाफूमा चिसो पलाएको भनी अाशियाका पतिले चिन्ता व्यक्त गरेका छन् । बृटेन सरकारसँग उनले गरेको प्रत्यक्ष भिडियो अनुरोधमा उनले, “संयुक्त अधिराज्यका प्रधानमन्त्रीसँग हामीलाइ सक्दो सहायता गर्न र स्वतन्त्रता उपलब्ध गराउन अनुरोध गर्दछु । हालको परिस्थिति हाम्रो निम्त अत्यन्त जोखिमपूर्ण छ । हाम्रो कुनै सुरक्षा छैन, अनि हामी यताउता लुक्दै भागिरहेका छाैँ” भनेका छन् ।

मानवीय सुरक्षा, मानव अधिकार र चासोका दृष्टिकोणले पनि अाशिया र उनको परिवार अत्यन्तै संकष्टमा छ । यसबखत उनको परिवारप्रति कुनै पनि सबल राष्ट्रले  देखाउने चासो, दिने साथसहयोग र फैलाउने हात अत्यन्तै अर्थपूर्ण हुन्छ । यस्तो अवस्थामा विश्व बन्धुत्व र मानव अधिकारको श्रेष्ठ परम्परा अाफूमा शदियाैँदेखि भएको दावी गर्ने छिमेकी देशहरूले यस विषयमा चासो राखेको हेर्नसुन्न पाए हामीलाइ पनि बडो गर्व हुने थियो ।

तर पहिल्यै थाहा छ, अष्ट्रिया, अष्ट्रेलिया, अमेरिका वा क्यानडा वा बृटेन, वा स्वीडेन अादि देशहरूले हात नबढाएसम्म एशियाका देशहरूले यसमा चासो राख्ने छैनन् । वास्तवमा यस्ता कुरालाइ कति चासो र गम्भिरतापूर्वक लिइन्छ भन्ने अाधारमै कुनै पनि देश कतिको सुरक्षित छ वा मानवीय सम्वेदनाका हिसाबले उच्च छ भन्ने कुरा निर्क्याैल हुने गर्दछ । चाइनासँग यस मामािलामा बोल्ने, अनि पाकिस्तानलाइ फकाउन मनाउन सक्ने  गतिलो लेभरेज छ, तर अाफैँ सयाैँ अास्थाका बन्दीहरू थुन्ने देशलाइ नता यस्ता कुरामा चासो रहन्छ नत नैतिक अधिकार नै ।

अाशिया बिबीको सुरक्षा र सुरक्षित देशमा स्थानान्तरणका लागि दबाव दिअाैँ र प्रार्थना गराैँ ।
– विदुर अधिकारी
Facebook Comments

Category: Religious Freedom, Socio-political