सगोलको १४औं वार्षिक साधारण सभा

[ 0 ] October 12, 2017 |

फूलबारी, पोखरा—लेखनाथ, कास्की
शालोम एजी चर्च फूलबारी पोखरामा सगोलको १४औं वार्षिक साधारण सभा सम्पन्न भएको छ । साधारण सभामा विशेष अतिथि पोखरेली ख्रीष्टिय समुदायका अध्यक्ष पा. भविन्द्र राना, सगोलका अध्यक्ष डा. बुद्धिबहादुर थापा, उपाध्यक्ष कृष्ण अधिकारीले बोलेका थिए । संस्थाका सहसचिव प्रकाश क्षेत्रीले आ.व. २०७३÷७४ को वार्षिक कार्य प्रगति प्रतिवेदन प्रस्तुत गरेका थिए । त्यस्तै सोही आ.व. को आर्थिक प्रगति प्रतिवेदन कोषाध्यक्ष दुर्गा गुरुङले प्रस्तुत गरेकी थिइन् । संस्थाका सल्लाहकार राजेन्द्रकुमार अधिकारीले प्रमुख अतिथि र विशेष अतिथिलाई मायाको चिनो प्रदान गरेका थिए । कार्यक्रममा प्रमुख अतिथि गैसस महासंघ कास्कीका अध्यक्ष पदमराज पहारी थिए । कार्यक्रममा बोल्दै उनले गैसस सरकारको समानान्तर संस्था नभएको प्रष्ट पारे ।

सगोलको १४औं वार्षिक साधारण सभा

सगोलका कार्यक्रम प्रबन्धक राजकुमार रायमाझीले सगोल नेपालमा भएका समुदायहरु सकारात्मक रुपमा रुपान्तरिक हुनेछन् भन्ने दर्शन बोकेर स्थानीय समुदायको विकासमा सहायता पुर्याउने उद्देश्यले स्थापना भएको एक जनहितकारी गैसस भएको जानकारी दिए । सगोल शब्दको अर्थ सँगसँगै रहेर एउटै उद्देश्य प्राप्तिका लागि अघि बढ्नु अर्थात् एउटै परिवारमा भएको भन्ने हुन्छ । यस संस्थाले स्थानीय समुदायको सर्वांगीण विकासको लागि स्थानीय स्तरमा रहेका समूहहरुको क्षमता अभिवृद्धि गरी गरिबीलाई कम गर्नको लागि ती समूहहरुसँग साझेदारीमा काम गर्दै आएको छ ।

 

Facebook Comments

Category: News & Events